Book Description
නිමක් නොමැති වනයකින් වට වී තිබූ ගැවැල්ඩන් නම් ගම්මානයේ දරුවන් අවුරුදු දෙසියයක සිට හොඳ නරක පාසලට පැහැරගෙන යන ලදි. සුරංගනා කතාවල වීරයින් හා දුෂ්ටයින් බිහි කරනු ලැබූ පාසලට සෑම වසර හතරකට ම වරක් ළමයින් දෙදෙනෙකුව පැහැර ගෙන ගියේ, බලගතු ඉන්ද්‍රජාලිකයෙකු වූ ඉස්කෝලෙ ගුරා විසිනි. සොෆී ගැවැල්ඩන්වල විසූ ඉතා ලස්සන, හුරුබුහුටි ගැහැනු ළමයෙකි. හොඳ පාසලට ගොස් කුමාරිකාවක් වීම ඇගේ එකම බලාපොරොත්තුව විය. එම බලාපොරොත්තුව මල්ඵල ගන්වාගනු වස් ඇය නිතර යහපත් ක්‍රියාවල යෙදුනා ය. ඇගේ අඹ යෙහෙළිය වූ අගතා, හැඩක් වැඩක් නොමැති කෙල්ලක වූවා ය. මායාකාරියකගේ පෙනුම ගත් ඇය, මිනිසුන් විසින් පිළිකුල් කරන ලදුව, තම මව සමඟ කනත්තක ජීවත් වූ සුරංගනා කතා විශ්වාස නොකරන්නියක වූවා ය. එ් අවුරුද්දේ ඉස්කෝලෙ ගුරා විසින් තමන් ව හොඳ පාසලටත් අගතාව නරක පාසලටත් රැගෙන යනු ඇතැයි සොෆී විශ්වාස කළා ය. නමුත් ඉස්කෝලෙ ගුරා පැමිණ ගැහැනු ළමුන් දෙදෙනාව හොඳ නරක ඉස්කෝලෙට පැහැරගෙන ගිය විට සියලු දේ සොෆීගේ සැලසුමට අනුව සිදු නොවී ය. සොෆීගේ කුමරියක වීමේ සිහිනයට, තමා මායාකාරියක් බව විශ්වාස කරන අගතාට මුහුණ දීමට සිදු වූයේ කවර අකරතැබ්බයකට ද? කුමාරිකාවන් සහ මායාකාරියන් සෑම විට ම සුරංගනා කතාවල සිටින කුමාරිකාවන් හා මායාකාරියන්ගේ පෙනුම ම ගන්නේ ද? හොඳ නරක ඉස්කෝලෙ, පරස්පර අදහස් හා ගතිගුණ ඇති කෙල්ලන් දෙදෙනෙකුගේ නොබිඳිය හැකි මිත්‍රත්වය පිළිබඳ කතාවයි....
